മുത്ത് 

ഒരു ചിപ്പിയുടെ 

രണ്ടിതളുകൾക്കുള്ളിൽ

നമ്മൾ ഒളിപ്പിച്ചുവെച്ചത് 

ഒരേ മൗനം

Started 3 days computer training for Primary School IT Co-odinators at BRC Vellangallur

ഓര്‍മ തന്‍ നീലനിലാവുള്ള തല്പത്തില്‍ 

ഒരു വാസരം കൂടി മയങ്ങാന്‍ കിടന്നു 

മരുഭൂമിയില്‍ മഴനീര്‍ക്കണം

മനതാരില്‍ നീ തുടു പനിനീര്‍ മണം

ഇരുള്‍രാത്രിയില്‍ ചെറു താരകം  

കനലോര്‍മയില്‍ നീ മൃദുലാളനം l

 

ഗാനം 6

കഥയുടെ മഴവിൽച്ചിറകിൽ ചെല്ല-
ക്കുരുവികളേ കളിയാടാൻ വാ
പാട്ടിൻ തുമ്പിൽ കളീയൂഞ്ഞാലി-
ട്ടാടിരസിക്കാനിതിലേ വാ
                                   (കഥയുടെ)
അറിവിൻ ചെറുതിരിനാളം നമ്മൾ-
ക്കഗ്നി കണക്കെ ജ്വലിപ്പിക്കാം
കളിചിരിയെന്നും പനിനീർ മലരായ്
അവനിയിലാകെ വിരിയിക്കാം
                                  (കഥയുടെ)
വയലുകൾ നദികൾ കാത്തീടാം
മഴയുടെ മലയുടെ കൂട്ടാവാം
ലോകം മുഴുവൻ നമ്മുടെ വീടായ്
കരുതി നമുക്കിനി മുന്നേറാം
                                  (കഥയുടെ)

ഗാനം 5

അനുരാഗം അനുരാഗം
അറിയതെയാത്മാവിൻ തന്ത്രിയിലുണരും
അമൃതവർഷിണീരാഗം -ഈ
ആർദ്രവികാരം അനുരാഗം
                                     (അനുരാഗം)
അന്നെന്റെയേകാന്തയാനത്തിലെപ്പൊഴോ
അരുമയായരികിലെത്തീ
അനുഭൂതി പെയ്തുപെയ്തൊഴിയാതെ നീ നിന്നു
അകതാരിൽ വാസനപ്പൂക്കളായി
                                    (അനുരാഗം)
അരോ വിരിച്ചിട്ട മാനത്തെ മെത്തയിൽ
ആവണിമുല്ലകൾ പോലെ
അനുപമസാരളൃമായെൻ വിപഞ്ചിയിൽ
ആരാധികേ നീ പൂത്തുനിന്നൂ
                                   (അനുരാഗം)

ഗാനം 4

ഈ നോവിൽ തീരാത്ത നോവിൽ
കൂട്ടായെനിക്കിന്നെൻ നിഴലേ നീ മാത്രം
നിഴലേ നീ മാത്രം
ഈ രാവിൽ ഏകാന്തരാവിൽ
പിരിയതെ നിൽ‌പതെന്നഴലേ നീ മാത്രം
അഴലേ നീ മാത്രം
                    (ഈ നോവിൽ)
വിടപറയുന്നേരം കരുതിയ വാക്കുകൾ
വിങ്ങുന്ന കണ്0ത്തിൽ മരിച്ചുവീണു
കരകാണാക്കായലിൽ കളിവഞ്ചിപോൽ
അലയുന്നിതേതൊരു കരയണയാൻ ഞാ-
നലയുന്നിതേതൊരു കരയണയാൻ
                    (ഈ നോവിൽ)
മൃദുകരസ്പർശത്താൽ സാന്ത്വനമേകുവാ-
നാവാതെ നീയെന്തേ തരിച്ചു നിന്നു
വിരഹത്തിന്നാഴിയിൽ നീർപ്പോളപോൽ
അലയുന്നിതേതൊരു കരയണയാൻ ഞാ-
നലയുന്നിതേതൊരു കരയണയാൻ

         (ഈ നോവിൽ)